വേദിയെ ആവേശക്കടലാക്കിയ പ്രവാസിശ്രീയുടെ നൃത്തച്ചുവടുകൾ!

ബഹ്‌റൈൻ കേരളീയ സമാജത്തിൽ (BKS) നടന്ന ‘ശ്രാവണം 2026’ ഓണാഘോഷങ്ങളുടെ ഭാഗമായി സംഘടിപ്പിച്ച ‘ധൂം തകതോം 2026’ സിനിമാറ്റിക് ഡാൻസ് മത്സരത്തിന്റെ സീനിയേഴ്സ് വിഭാഗത്തിൽ, കൊല്ലം പ്രവാസി അസോസിയേഷന്റെ (KPA) വനിതാ വിഭാഗമായ ‘പ്രവാസിശ്രീ’ അംഗങ്ങൾ അവതരിപ്പിച്ച സിനിമാറ്റിക് ഡാൻസ് കാണികളിൽ ആവേശം നിറച്ചു.

മികച്ച നിലവാരത്തിലുള്ള നൃത്തച്ചുവടുകളും മനോഹരമായ അവതരണവും കൊണ്ട് സമാജം വേദിയെ അക്ഷരാർത്ഥത്തിൽ ആവേശക്കടലാക്കി മാറ്റിയ ഈ കലാവിരുന്ന് കാണികളുടെയും കലാപ്രേമികളുടെയും ഹൃദയം കീഴടക്കി.

വേദിയിലെ ഊർജ്ജസ്വലമായ പ്രകടനവും മികച്ച ടീം വർക്കും കൊണ്ട് ‘ധൂം തകതോം 2026’ മത്സരത്തിലെ ശ്രദ്ധേയമായ അവതരണങ്ങളിലൊന്നായി പ്രവാസിശ്രീയുടെ നൃത്തം മാറി. ❤️‍🔥💃