ഇന്ത്യൻ സ്വാതന്ത്ര്യദിനത്തിൽ KPA സിത്ര ഏരിയയുടെ നേതൃത്വത്തിൽ പായസ വിതരണം സംഘടിപ്പിച്ചു

ഇന്ത്യൻ സ്വാതന്ത്ര്യദിനത്തിൽ KPA സിത്ര ഏരിയയുടെ നേതൃത്വത്തിൽ പായസ വിതരണം സംഘടിപ്പിച്ചു

മനാമ: ഇന്ത്യൻ സ്വാതന്ത്ര്യദിനാഘോഷങ്ങളുടെ ഭാഗമായി കൊല്ലം പ്രവാസി അസോസിയേഷൻ (KPA) സിത്ര ഏരിയയുടെ നേതൃത്വത്തിൽ ഓഗസ്റ്റ് 15-ന് വൈകുന്നേരം 6 മണിക്ക് പായസ വിതരണം സംഘടിപ്പിച്ചു. സ്വാതന്ത്ര്യദിനത്തിന്റെ സന്തോഷവും ഐക്യവും പങ്കുവെച്ചുകൊണ്ട് നടന്ന പരിപാടിയിൽ ഏരിയയിലെ അംഗങ്ങളും പ്രവർത്തകരും പങ്കെടുത്തു.

KPA സിത്ര ഏരിയ കോർഡിനേറ്റർ ഫൈസൽ പത്തനാപുരം പരിപാടിക്ക് നേതൃത്വം നൽകി. ഏരിയ പ്രസിഡന്റ് വിനീഷ്, വൈസ് പ്രസിഡന്റ് മനാഫ്, സെക്രട്ടറി അരുൺ കുമാർ, ജോയിന്റ് സെക്രട്ടറി വിഷ്ണു ഷാജി, KPA അസിസ്റ്റന്റ് ട്രഷറർ സിദ്ധിഖ് ഷാൻ എന്നിവർ പരിപാടിയിൽ പങ്കെടുത്തു.

സ്വാതന്ത്ര്യദിനത്തിന്റെ സന്ദേശമായ ഐക്യവും സൗഹൃദവും ഉയർത്തിപ്പിടിച്ചുകൊണ്ട് അംഗങ്ങൾക്കിടയിൽ സന്തോഷം പങ്കുവെക്കുന്നതിനുള്ള അവസരമായി പായസ വിതരണം മാറി. KPAയുടെ സാമൂഹികവും സാംസ്കാരികവുമായ പ്രവർത്തനങ്ങളുടെ ഭാഗമായി സംഘടിപ്പിച്ച പരിപാടി ശ്രദ്ധേയമായി.